Gazetari dhe analisti Arjan Konomi ka publikuar në rrjetet sociale video-denoncimin e tij nga situata e rënduar e qarkullimit të automjeteve në rrugën e Vunoit.
Konomi thotë se gjithçka vjen si pasojë e mosfunksionimit të të vetmit semafor në gjithë rivierën shqiptare dhe që është nën kujdesin e firmës “Salillari” e cila siç thotë Konomi, merr jo pak por plot 10 milionë euro për mirëmbajtjen e saj, por që nuk vë asnjë edhe një gjenerator për të vënë në funksion këtë semafor që krijon një pirg të vërtetë makinash në këtë aks kryesor të turizmit shqiptar.
“Jemi këtu nga riviera turistike, nga pika e Vunoit dhe ja si është gjendja e trafikut dhe i makinave.
Nga Durrësi deri në Janinë është i vetmi semafor që ekziston dhe firma që kujdeset për mirëmbajtjen e rrugës, që merr 10 milionë euro “salillari” nuk vë as edhe një gjenerator që të punojë dhe ky trafik krijohet 10 herë në ditë, sa ikin dritat. Ky problem i trafikut duke bllokuar turistët që vijnë e që ikin”, shprehet ndër të tjera Arjan Konomi.
