- Advertisement -
Dy punëtorë nga Shqipëria kanë përfunduar në spital pasi janë rrëzuar nga çatia e një shtëpie ku po punonin në Maltë.
Aksidenti ka ndodhur në rrugën Pietro Floriana këtë të premten në orën 08:30.
Sipas mediave lokale, dy shqiptarët që po punonin në një ndërtesë të re, u ngjitën në çatinë e shtëpisë ngjitur dhe papritur çatia u shemb. Policia tha se shqiptarët kanë rënë nga kati i tretë dhe janë dërguar në spital për mjekim, por ende nuk dihet gjendja e tyre.
Ndërkohë vlen të thuhet se të shtunën e kaluar një punëtor shqiptar humbi jetën kur u shemb çatia e një rezidence në Sliema. Ndërsa dhëndri i tij me të cilin po punonte, edhe ai nga Shqipëria, mbeti i plagosur.
- Advertisement -