Pasi parkoi furgonin, ai u gjet i vdekur brenda”… si konflikti midis fqinjëve përfundoi në një të shtënë fatale…
Një i vdekur, një person në gjendje kritike dhe një lagje e tërë e tronditur… është ky rezultati i një konflikti që doli jashtë kontrollit në rrugën Blijde Inkomststraat në Machelen, Brabantin Flamand në Belgjikë. Një 61-vjeçar qëlloi 5 herë për vdekje fqinjin e tij shqiptar 43 vjeç pas një grindjeje për një vend parkimi.
Autori qëlloi po ashtu djalin e viktimës 15 vjeç gjatë sherrit, por ky i fundit shpëtoi i padëmtuar. Kushëriri 19-vjeçar i viktimës u godit nga një plumb dhe është ende në rrezik për jetën.
Thuhet gjithashtu se autori ka kërcënuar gruan e viktimës dhe një fqinj përballë. “Ai e drejtoi armën edhe nga burri im, por fatmirësisht nuk e tërhoqi këmbëzën,”-dëshmoi një grua.
Më pas, autori hipi në makinën e tij dhe u largua. Ai u kap nga policia pas një ndjekjeje në autostradën E411 në Overijse.