- Advertisement -
Një grup prej 6 turistësh italian janë ankuar se janë helmuar nga ushqimi në Sarandë.
Në një denoncim për Sarandaweb, ata thanë se mbrëmjen e të enjtes së kaluar kishin darkuar në një restorant pranë Kanalit të Cukës në Sarandë, ku kanë ngrënë oktapod të pjekur zgarë, midhje të marinuara dhe peshk të skuqur. Ata pretendojnë se janë helmuar nga ky ushqim, ku kanë shkuar në spitalin e Sarandës dhe kanë marrë serume.
Sipas asaj që shkruan njëri nga pushuesit, pavarësisht serumeve, ata kanë patur probleme gjithë natën me sistemin tretës dhe kanë treguar simptoma të diaresë. Ata shprehen se nuk mund të konsumonin asgjë përveç bananeve dhe pjeshkës, duke thënë se udhëtimi për në Shqipëri u ishte shkatërruar.
- Advertisement -
