Gruaja e Agim Ramadanit, Shukrie Ramadani, ishte e ftuar në emisionin Shqipëria Live. Gjithashtu në një lidhje paralele ishte edhe Mirlind Daku, që teksa i shënoi Polonisë, tregoi menjëherë tatuazhin kushtuar Agim Ramadanit, i njohur si Komandant Katana. Sigurisht që Shukrie Ramadani nuk mund ta fshinte krenarinë e madhe, teksa tregoi edhe një detaj shumë interesant nga Mirlindi.
“U ndieva krenare kur pashë tatuazhin. Ndieva një lidhje të madhe mes Agim Ramadanit dhe Mirlind Dakut, pasi Agimi kishte ëndërr që nga fëmijëra thyerjen e kufijve dhe Mirlindi e bëri me vepra, shënoi gol me Shqipërinë. Kam biseduar me mësuesen e Mirlind Dakut, Dashurien. Ajo më tha se në çdo orë, çdo ditë, kur Mirlindi vinte në shkollë, vinte me veshje kuqezi. Nuk vinte asnjëherë me veshje apo ngjyra të tjera”, tha gruaja e Agim Ramadanit. /Sport Ekspres/
