Luiz Ejlli u shpall fitues i këtij edicioni të dytë të Big Brother Vip, duke rrëmbyer çmimin e madh. Publiku shqiptar me shumicë dërmuese votash, vendosi të shpallë Luizin fitues të këtij edicioni, si banori më i preferuar nga masa.
Prej 133 ditësh, Luizi i ka dhënë këtij spektakli emocione pafund. Lot gëzimi, trishtimi, surpriza pafund, histori, lojë e fortë, strategji, miqësi brenda shtëpisë, por edhe dashuri.
Luizi u bë pjesë e shtëpisë së BBVA që prej fillimit, më 24 dhjetor. Që në ditët e para, ai ra në sy për energjinë dhe humorin. U deshën pak javë që Luizi të shndërrohej në protagonistin e spektaklit, që nisi që pas çështjes së sëmundjes shumë të diskutuar e vazhdoi më pas me debate, konflikte, lojëra dhe emocione pafund.
Me një sukses të jashtëzakonshëm në rrjete sociale, Luizi theu rekorde me klikime duke u shndërruar në personazhin më të komentuar të muajve të fundit.
Rrugëtimi i Luizit në “Big Brother VIP” u mbyll me kurorëzimin e dashurisë dhe fitoren e vendit të parë. Për shumë njerëz, Luizi do të mbetet banori më dinamik në historinë e “Big Brother”.
