Biletat në shitje për sfidën kundër Çekisë, blini këtu biletën tuaj për të mbështetur Kombëtaren

Mbrëmjen e sotme kanë dalë në shitje biletat për duelin Shqipëri-Çeki. Ndeshja do të zhvillohet mbrëmjen e 12 tetorit dhe do të vendosë shumë sa i përket kualifikimit të Kombëtares në Kampionatin Europian Gjermani 2024.

Interesimi për një biletë ka qenë mjaft i lartë, aq sa për një moment ka shkaktuar edhe rënien e serverit. Për të gjithë të interesuarit që dëshirojnë të jenë të pranishëm në stadiumin “Air Albania” për të përkrahur nga afër kuqezinjtë, mund ta blejnë biletën e tyre në “al.ebileta.al”.