A do t’i bashkohet Dani Olmo Barcelonës? Në fakt, lojtari pritet të enjten në kampin stërvitor të Leipzigut, nëse fillimisht dy klubet nuk arrijnë marrëveshje për transferimin e tij, duke qenë se diskutimet mes palëve po vazhdojnë.
Sot është planifikuar një samit ndërmjet menaxherëve të lojtarit dhe drejtuesve të Barcelonës, ku do të jenë të pranishëm edhe drejtori sportiv, Deco, dhe Juanma Lopez, menaxherja e tij kryesore. Ky takim pritet të jetë vendim për arritjen e një marrëveshjeje përfundimtare.
Kontrata e Olmos me skuadrën gjermane skadon në vitin 2027 dhe lojtari tashmë ndodhet në Leipzig, i shoqëruar nga Andy Bara, një tjetër përfaqësues i tij, me të cilin kaloi disa ditë në Zagreb, ku luajti me Dinamon nga viti 2014 deri në vitin 2020.
Për momentin po punohet për propozimin e dytë të bërë nga katalanasit, i cili parashikon pagesën në arkën gjermane prej 47 milionë euro pjesë fikse, tri variabla me objektiva të lehtë për t’u arritur dhe 10 milionë bonuse të tjera në rast të fitimit të kampionatit apo Champions League gjatë kontratës gjashtëvjeçare të propozuar nga Barça.