Këngëtarja britanike Dua Lipa është duke u takuar fshehurazi me ish të dashurin e “rivales” Rita Ora.
Sipas “The Sun” Lipa, 27 vjeç, është lidhur me regjisorin francez Romain Gavras, 41 vjeç, i cili njihet më së shumti për regjinë e videoklipit për reperët Kanye West dhe Jay Z.
Babai i tij, 90-vjeçari Costa Gavras, ka fituar çmime të shumta Oscar.
“Dua dhe Romain janë njohur për disa muaj”, tha një burim për gazetën britanike.
“Ata e kanë shijuar kalimin e kohë së bashku. Dyshja u takuan në rrethet e ngushta të njëri-tjetrit gjatë periudhës festive dhe kanë shumë të përbashkëta”.
“Dua e di se sa e rëndësishme është të gjesh dikë që e kupton industrinë e saj. Ajo ndjen se Romain e kupton plotësisht. Ata të dy janë njerëz vërtet krijues”.
Lipa u fotografua duke lënë pas festën e çmimeve BAFTA në Londër me Gavras javën e kaluar, ndonëse regjisori e ndoqi një distancë të shkurtër.
Ata hynë në një makinë të drejtuar nga shoferi përpara se të largoheshin.
Dyshja u shfaqën gjithashtu në një postim në Instagram gjatë Krishtlindjeve, së bashku me miq të tjerë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit. /Albanianpost.com