Mbrëmjen e kaluar në një bisedë për jetën e tij personale, Krist Aliaj Dragot, nisur edhe nga historia që po krijon brenda shtëpisë së “Big Brother” me Keisi Mejdinin, u pyet për statusin e tij, duke qenë se kishte pranuar vetë që kishte lënë dicka të papërfunduar jashtë dhe e dashura e tij kishte reaguar ditët e fundit. Kristi pranoi se lidhjen që kishte pasur jashtë, në momentin kur u bë pjesë e reality show-t, e kishte lënë në një moment të vështirë dhe të pasigurtë, gjë që nuk e kishte ndaluar të krijonte afrimitet me Keisin. Ndërkohë gjatë rrëfimit të tij, ai gjithsesi nuk sqaroi deri në fund nëse e kishte mbyllur marrëdhënien jashtë apo jo, duke e kaluar me fjalinë “do ta diskutojmë kur të vijë koha”.
Por edhe pse Kristi thotë se lidhja që ka pasur jashtë kishte mbaruar ose ishte në gjendje të vështirë, e dashura (ose e ish-e dashura e tij), modelja Zaza ka zgjedhur që të publikojë bisedat e fundit me Aliajn, pak orë para se të bëhej pjesë e “BBVIP”. Në bisedat në InstaStory, që u fshinë më pas, por janë ripostuar masivisht në rrjetet sociale, duket Kristi që i shpreh dashurinë Zaza-s, po ashtu edhe ajo atij. Bisedë që normalisht nuk do ta realizonin dy persona të ndarë, apo që i kanë mbyllur gjërat.
Pra si është gjendja e Kristit si përfundim? /News31