Porositi djegien e “Urgjenca Club”, kush është 24-vjeçari i shpallur në kërkim, në 2021 i shpëtoi atentatit me armë

Date:

- Advertisement -

Një 29-vjeçar është vënë në pranga nga Policia e Tiranës, pasi i vuri flakën tarracës së një lokali në kryeqytet për llogari të një 24-vjeçari, i cili e porositi që të digjte biznesin në këmbim të 20 mijë lekëve të reja.

Klizjan Bajrami, i cili është arrestuar nga blutë e Tiranës, si përgjegjës për zjarrvënien në tarracën e lokalin “Urgjenca Club”, në afërsi të stadiumit “Selman Stërmasi”, u porosit nga Redi Balla, 24 vjeç, i njohur më herët nga policia, pasi u plagosur në zonën e Komunës së Parisit në tetor 2021, i shpallur tashmë në kërkim nga policia.

Mbetet e paqartë se për çfarë arsye është kërkuar djegia e lokalit, por hetuesit kanë dyshime të ndonjë konfliki të pronarëve të lokalit me Redi Ballën.

Identifikimi i autorit të zjarrvënies u bë nga agjentet e Komisariatit nr. 2 përmes gjurmimit të kamerave të sigurisë, të cilat pas vëzhgimit identifikuan dhe lokalizuan autorin Bajrami.

Këtij të fundit nga kontrolli në banesë iu gjetën disa targa automjetesh të shtetësive të ndryshme, të cilat u sekuestruan nga policia.

Redi Balla mbeti i plagosur me një plumb në këmbë mbrëmjen e 12 tetorit të vitit të shkuar në mjetin e tij të parkuar pranë një lulishteje.

Agresoret përfituan atë natë pasi po luhej Shqipëri-Poloni në “Air Albania” dhe vëmendja ishte përqëndruar te ndeshja.

Materialet i kaluan Prokurorisë Tiranë, për veprime të mëtejshme procedurale.

- Advertisement -

Më të lexuarat

Me shume
Related

Alban Ramosaj – Ghost of the Past (Official Visualizer)

LYRICS: My dear ghost of the past Shall we...

On Valentine’s Day, Did Capital T Confirm His Rumored Relationship with Adrola Dushi?

The well-known Albanian rapper, Capital T, has set social...

State vs. State / BIRN: Police Accused of Violating the Law in Pro-Veliaj Protest

The Special Prosecution and Court have accused the State...

Official: Skënderbeu Announces Departure – Ermir Rashica to Continue His Career in Ukraine

Skënderbeu has officially announced the departure of Ermir Rashica....