Silvinjo ka bërë një punë të jashtëzakonshme në krye të Kombëtares shqiptare. Bylbyl Sokoli ka treguar në emisionin “Dueli Sportiv” në “RTV Dukagjini” detaje nga një ditë normale pune e trajnerit Brazilian. Sokoli përcjell fjalët e Ylber Ramadanit, që i ka treguar mënyrën e punës së Silvinjos, e cila deri më tani po jep frytet e duhura.
“Po ju tregoj një ditë punë të Silvinjos, që ma ka përcjellë Ramadani. Ai qendron në Shqipëri, është në zyrën e FSHF-së. Ka 5 monitorë dhe monitoron të gjithë futollistët. Për të gjithë futbollistët merr statistikat. Kur vendos i merr në zyrë dhe i thotë: ‘Ky është gabimi, për këtë arsye je këtu’. Kemi të bëjmë me një punë shumë profesionale, pse jo edhe shkencore, për krijimin e ambientit të shëndoshë Brenda grupit”, ka treguar Bylbyl Sokoli./Sport Ekspres/
