Detaja të reja janë mësuar në lidhje me vrasjen e Arjan Gosës pasditen e të dielës në qytetin e Kavajës.
Gosa u qëllua teksa ishte duke pirë kafe me të atin në një lokal. Autori 31-vjeçari Habib Rexha, i cili kishte mbajtur nën vëzhgim Gosën, u afrua në një distancë të afërt dhe e qëlloi me plumb në kokë viktimën.
Autori përdori dorën e majtë për të qëlluar, pasi dorën e djathtë nuk e ka funksionale. Ai ka humbur gishtrinjtë për shkak të një shpërthimi kur ishte i vogël.
Mësohet se 31-vjeçari ishte emigrant në Gjermani dhe u kthye në Kavajë për të marrë hakun e të vëllait Altin Rexha.
Altin Rexha humbi jetën gjatë një konflikti të dhunshëm me vëllain e viktimës, Edmond Gosa. Gosa e qëlloi me thikë Rexhën në muajin mars dhe ky i fundit iu kundërpërgjigj me armë duke mbetur të dy të vdekur.
Hakmarrja në lidhje me vrasjen e vëllait, bëri që Habib Rexha të kthehej nga emigracioni dhe të kryente krimin ditën e diel.
