Dhuna është kthyer në një fenomen shqetësues në futbollin shqiptar pasi çdo javë ka skena të turpshme dhune si tek meshkujt ashtu edhe te femrat.
Edhe pse një ditë më parë Shënkolli u përjashtua nga kampionati për dhunë ndaj zyrtarëve të ndeshjes, kjo gjë nuk e ka penguar Tomorin që të sulmojë arbitrin në ndeshjen përballë Vorës.
Në minutën e 14 të sfidës, arbitri kryesor Sokol Bebja u sulmua dhe u dhunua nga tifozët e Tomorit. Shkak për këtë dhunë ndaj zyrtarit në ndeshjen e Kategorisë së Parë u bë një karton i kuq për Beçkën, që më herët ishte ndëshkuar me të verdhë.
Por kaq mjaftoi që protestat për arbitrin të ishin më të ashpra dhe një person goditi arbitrin.
Pas kësaj arbitri u detyrua të nxjerrë nga xhepi edhe një tjetër karton të kuq për Sharavollin në minutën e 16, duke lënë Tomorin vendas me dy lojtarë më pak.