Ajeti titullar e Berisha në portë, ky është formacioni zyrtar i Shqipërisë

Kur na ndan edhe një orë nga nisja e ndeshjes Shqipëri-Çeki, dy kombëtaret kanë publikuar formacionet zyrtare.

Në ndeshjen që starton në orën 20:45, në stadiumin “Air Albania” kuqezinjtë e Silvinjos do rreshtohen 4-3-3.

Kështu në portë kemi Berishën, përpara tij në mbrojtje do rreshtohet Mitaj, Gjimshiti, Ajeti dhe Hysaj. Në mesfushë është Ramadani, Bajrami dhe Asllani, ndërsa Cikalleshi është në majë të sulmit dhe nga krahët ka ndihmën e Seferit dhe Asanit.

Rikujtojmë se për momentin Shqipëria ndodhet në vendin e parë të grupit E me 10 pikë, ndërsa pas nesh është Çekia me vetëm 8 pikë.