Edhe pse shumë prisnin që Vinicius Junior të fitonte Topin e Artë në vitin 2024, Rodri ia doli ta parakaloi. Në fund, lojtarit të Real Madridit iu desh të kënaqej me çmimin më të mirë të FIFA-s, ndërsa Topi i Artë i shkoi spanjollit. Në Globe Soccer Awards, ku mori çmimin për lojtarin më të mirë në Lindjen e Mesme në vitin 2024, Cristiano Ronaldo foli ndër të tjera për atë që ndodhi me Topin e Artë 2024.
Portugezi, i cili e ka fituar çmimin individual pesë herë, tha se Rodri nuk e meritonte Topin e Artë. Jo shumë kohë më pas Rodri dha një intervistë për mediat spanjolle në të cilën e ka prekur edhe këtë temë dhe i është përgjigjur portugezit.
“Epo, ishte një surprizë për mua sepse ai e di më mirë se kushdo se si funksionon ky çmim dhe si zgjidhet fituesi. Këtë vit, gazetarët që votuan vendosën që unë duhet të fitoja. Të njëjtët gazetarë ndoshta votuan që ai të fitonte në një moment. Supozoj se ai do të ishte dakord atëherë,” tha Rodri për AS. /Elio Hajdari-Sport Ekspres/