Kampionati shqiptar nuk pati shkëlqim gjatë turit të parë të ndeshjeve europiane. Kështu Partizani ishte skuadra e vetme që kaloi më tej, ndërsa mposhti maltezët e Marsaxlokk.
Ky tur i jep të drejtë trajnerit të Kombëtares shqiptare Sylvinho. Tekniku brazilian nuk preferoi asnjë lojtar nga kampionati vendas, për Euro 2024.
Egnatia dhe pse humbi në Champions League ndaj Borac, ka avantazhin që ta vazhdojë rrugëtimin në Conference. Tirana dhe Vllaznia nuk ia dolën, teksa u eleminuan respektivisht nga Torpedo Kutaisi dhe Valur.
Asnjë futbollist shqiptar nuk spikati me paraqitjet e tij. Nivel jo i lartë i futbollit nga Superiorja, teksa kundërshtarët nuk ishin me emër.
Emra premtues për të ardhmen ka, por shpërthimet në Europë po mungojnë. Kështu Kombëtares do i duhet të presë, ndoshta për t’i besuar produktit vendas.
