Al Qadsiah, një klub nga Arabia Saudite, ka dashur të sjellë në radhët e tyre nga Roma futbollistin argjentinas, Paulo Dybala. Ky 30-vjeçar kishte në tavolinë një ofertë prej 75 milionë eurosh për një kontratë trevjeçare, por vendosi ta refuzojë. Ishte një vendim disi i pabesueshëm nga Paulo Dybala, por lojtari i Romës tani ka dalë para mediave dhe ka shpjeguar se për çfarë bëhet fjalë.
“Pse i thashë jo 75 milionë eurove? Të gjithë pyesin pse, por, e shihni, kam vendosur shumë gjëra në peshore. Ishte familja ime, gruaja ime veçanërisht, qyteti, ekipi, dëshira për kthim në kombëtare.
Jam 30 vjeç, ndihem mirë, megjithëse shoh shumë kritika për dëmtimet, përpiqem të punoj sa më shumë dhe të kujdesem për veten time, të bëj më të mirën. Por flasin vetëm për para”, tha Dybala.
