Rënia në gjurmë të motorit, i cili u përdor në ekzekutimin e Ardjan Nikulaj në Shëngjin të Lezhës, ka qenë një rastësi. Në një moment kur policia dhe prokuroria e Lezhës, ishin në udhëkryq pasi kishin në tavolinë vetëm pamjet filmike dhe siluetën e personit që qëllon dhe largohet.
Për 48 orë me radhë policia ishte e paqartë dhe nuk kishte asnjë person të dyshuar, ndërkohë që pistat hetimore përshtjelloheshin me njëra-tjetrën, duke krijuar konfuzion mbi gjetjen e emrave që kishin kryer dhe organizuar vrasjen.
Një nga oficerët që janë pjesë e grupit të hetimit, në datën 21 Prill 2023, ka kërkuar në “Google.al” me fjalët “…shes motor “Yamaha X Max…”.
Në këtë moment është shfaqur një nga faqet e shitjes se mjeteve dhe pronave në internet “M…J…”. Nga këqyrja që oficeri i ka bërë kësaj faqe në njoftimet e postuara në ditët e muajit Prill dhe muajit Mars, është konstatuar njoftimi për shitjen e një motori, identik me karakteristikat e motorit që ishte përdorur në vrasjen e Nikulajt në Shëngjin.
Vrasja e Ardian Nikulajt, ish-prokurorja Imeraj tregon pse porositësi mori vrasës të huaj
Njoftimi kishte dalë në 28 Mars 2023 dhe po në të njëjtën ditë ishte shpallur shitja. Por fatmirësisht edhe pse ishte shitur, njoftimi nuk ishte fshirë nga publikimet e faqes ‘M….J…’.
Në këtë postim, ishte numri telefoni i shitësit dhe disa fotografi të motorit. Këto foto së bashku me postimin janë printuar dhe tashmë ndodhen në dosjen hetimore.
Policia ka telefonuar numrin e publikuar në njoftim, dhe nga ana tjetër ka dalë shitësi, i cili është udhëzuar se po kontaktohej nga policia për një sqarim.
Personi jeton në zonën e “21 dhjetorit” në Tiranë. Ai është shfaqur përballë punonjësve të policisë, me një kontratë noteriale, duke treguar se motorin ja kishte shitur një vajze, kundrejt çmimit prej 1800 euro.
“Motorin e bleva tek 21 Dhjetori”/ Zbardhet dëshmia e “il pentito-s”, të dashurës së Haxhiajt: Portugezi përshëndeste në shqip
Çmim i cili përkonte edhe me shumën financiare të publikuar në njoftim. Zbulimi i emrit të vajzës, çoi në ngritjen e dyshimeve të forta se vrasja e Nikulajt kishte të bënte me gjakmarrjen.
Policia ka marrë informacion se vajza ishte e fejuara e Edmond Haxhisë, hasmit të Nikulajt, i cili rezulton të ketë hyrë në Shqipëri në muajin Nëntor 2022, periudhë me të cilën dhe ishte fejuar me mblesëri.
Vajza është shoqëruar në ambientet e policisë së Lezhës, duke pranuar se ajo ishte blerësja e motorit, ndërsa eurot i kishte paguar pikërisht i fejuari i saj, Edmond Hoxha.
Por Edmond Haxhia, që prej mbrëmjes së 20 Prillit nuk ndodhej më në territorin Shqiptar. Ai ishte larguar, pasi ishte siguruar se portugezi dhe 4 anglezët kishin dalë jashtë kufijve të Shqipërisë.
Vrasja e Nikulajt/ Edmond Haxhia u “tradhtua” nga e dashura, u kthye e penduar e drejtësisë dhe rrëfeu gjithçka
Në Shqipëri, Edmond Haxhia, ka lënë vetëm të fejuarën e tij, e cila tashmë është njeriu i vetëm që ka treguar çfarë dinte rreth lëvizjeve të motorit.
Policia dhe prokuroria ka pasur informacion se motori fshihej në Kakarriq, pasi gjatë kontrollit në dy anët e lumit Drin, janë gjendur gjurmë të gomave të mjetit.
Mjeti i blerë në 28 Mars në Tiranë kundrejt 1800 eurove dhe i përdorur më pas në vrasjen e Nikulajt, është gjendur mesditën e sotme lumin Drin, rreth 100 metra larg banesës së Edmond Haxhisë në fshatin Kakarriq.
Tashmë për këtë çështje me vendim të gjykatës së Lezhës, është bërë shpallja në kërkim e Edmond Haxhisë, Ruben Saraiva, Harry Simson, Thomas Mithan, Steven Hunt dhe Harriet Bridgeman.
Ndaj tyre është ngritur akuza e “Vrasjes me paramendim kryer për gjakmarrje”, vepër kjo e cila parashikon një dënim prej jo më pak se tridhjetë vjet ose me burgim të përjetshëm./Ora
