Në Shqipëri një euro po këmbehet mesatarisht me 106 lekë. Monedha europiane është në ditët e saj më të errëta përballë lekut që ka marr superfuqi. Mirëpo në traun e Rrugës së Kukësit kursi i euros nuk ka ndryshuar, e madje as që pritet të ndryshojë. Me kursin aktual, një makinë duhet të paguajë për kalim 5 euro, ose 530 lekë të reja.
E kundërta ndodh me koncesionarin i cili ka fiksuar si tarifë kalimi shumën prej 660 lekë. Edhe nëse euro arrin kursin e këmbimit, një euro me 100 lekë, koncesionari duket se nuk ndikohet pasi i vendos vet tarifat. Fotoja më poshtë është një faturë e datës 12 qeshor 2023, ku euro ka marr tatpjetën, por jo për koncesionarin. Me këtë kurs këmbimi, çdo shqiptari i vidhet haptazi 130 lekë për çdo kalim në tra.
Kjo për faktin se euro ka kurs këmbimi 132 lekë nga koncesionari, afro 26 lekë më shumë nga ai që vendos Banka e Shqipërisë. Asnjë institucion nuk ka ndërhyrë për t’i tëhequr veshin privatit që abuzon në kurriz të shqiptarëve dhe në një vepër publike. Andaj, më mirë merrni masa të shkoni me 5 euro kur të kaloni traun, pasi mund të kurseni të paktën 130 lekë për çdo kalim.
