Një aksident tragjik ka ndodhur një ditë më parë larg qendrës së Pesaros në Itali. Një mjet tip ‘BMW’ me dy persona, tentoi t’i largohej patrullës policore, e më pas goditi një mjet tjetër, duke lënë pas 2 të vdekur dhe 3 të plagosur.
“BMW” drejtohej nga 27-vjeçari Sulltan Ramadani, maqedonas, me banim në Sant’Angelo në Vado, i cili ishte i shoqëruar nga shoku i tij shqiptar Elvis Cola nga Montecalvo në Foglia, të dy të njohur për drejtësinë, teksa mjeti tip “Fiat 500 X” Kishte në të tre të rinj nga Vallefoglia.
Si pasojë e aksidentit, pasagjerja në makinën “Fiat 500 X”, Mrtina Mazza, 31 vjeç, nënë e një djali 5-vjeçar, ndërroi jetë menjëherë., teksa e motra Alessia që drejtonte makinën dhe shoku i tyre Kevin u plagosën rëndë.
Drejtuesi i mjetit “BMW”, 27-vjeçari Ramadani, gjeti vdekjen e menjëhershme, ndërsa u plagos rëndë shoku i tij, i cili ndodhet në një spital në Ankona në gjendje të rëndë shëndetësore duke luftuar për jetën.
