Luiza Gega është krenaria e sportit shqiptar, garon e dëmtuar dhe kualifikohet në finalen e Kampionatit Botëror

Atletja shqiptare Luiza Gega nuk di të ndalet. Ajo ka arritur të shkojë në finalen Botërorit të Atletikës që po zhvillohet në Budapest.

Edhe pse vinte pas një dëmtimi në tendinën e këmbës së majtë, Gega ka arritur të kualifikohet në finale pas një paraqitje të shkëlqyer në garën e 3 mijë metrave me pengesa.

Ajo u rendit e treta në baterinë e saj, duke u kualifikuar kështu në finalen e Kampionatit Botëror të Atletikës që po zhvillohet në Budapest të Hungarisë. Finalja e garës së 3 mijë metrave me pengesa do të zhvillohet më datë 27 gusht.