Ata janë gati! Arbnor Muja dhe Daku mund të debutojë me Shqipërinë, evitohet më e keqja te Silvinjo

Silvinjo mund të buzëqesh! Trajneri brazilian ka më pak dhimbje koke përpara ndeshjes që do të ketë me Çekinë. Mirlind Daku dhe Arbnor Muja ishin në rrezik për takimin e parë, për shkak se u vonua procedura e pasaportës nga ana e presidentit të Republikës së Shqipërisë.

Kështu FIFA nuk kishte dhënë ende përgjigjen pozitive dhe dritën jeshile, në mënyrë që lojtarët të zbrisnin në fushën e blertë me fanellën kuqezi. Megjithatë duket se problemet janë zgjidhur për këta lojtarë që mund të luajnë me Shqipërinë që nga ndeshja e parë.