Mbrëmë në Përmet, djali 24-vjeçar Albi Muhollari mbyti me plastmasë nënë e tij, 68-vjeçare Zeniat Muhollari. Pas ngjarjes, babai i Albit, fajësoi doktorin të cilit ia kishte dërguar për kurim për gjendjen psikologjike që kishte shfaqur, por doktori nuk i ka dhënë shërbim. Ndërkohë për mediat, mjeku Kiço Stefanidhi ka deklaruar se Albi Muhollari që vrau nënën, nuk ishte agresiv kishte thjesht çrregullime humori.
“Unë nuk kisha asnjë të dhënë për të sepse ai jeton në Amerikë. Praktika e arsyeshme është që të sëmurët që janë dhe agresiv (që ky nuk ishte) nuk duhet transferuar në një spital tjetër. Nuk kishte asnjë shenjë agresiviteti. Vizita me mua ka ndodhur dy ditë para ngjarjeve. Nëse mjekimi i tij ka filluar në Amerikë, që unë nuk di gjë, dokumentacion nuk ka atëherë mund të ishte parandaluar. Ne e vlerësuam rastin si të zakonshëm. Për aq kohë sa ndenji këtu ne nuk kishim pse të insistonin për të marrë të dhëna të tjera për këtë sepse nuk na dhanë asnjë të dhënë që ai ka pasur probleme edhe në Amerikë.”- tha mjeku.
