Autoriteti i Aviacionit Civil të Mbretërisë së Bashkuar (CAA) i ka thënë Wizz Air që të bëjë ndryshime në politikat e saj pas shqetësimeve për numrin e madh të ankesave kundër linjës ajrore hungareze.
Së bashku me ndryshimin e politikave të saj, linja ajrore ka rënë dakord gjithashtu të rishikojë pretendimet që ka marrë për kostot e zëvendësimit të fluturimeve, transferimet në aeroporte të ndryshme për fluturime zëvendësuese dhe kujdesit e ndihmës pas anulimit të fluturimeve.
Sipas njoftimit të AAC-së , pasagjerët janë ankuar se linja ajrore nuk kishte përmbushur detyrimet e saj për të drejtat e pasagjerëve, veçanërisht në ofrimin e fluturimeve alternative pas anulimeve.
Shefi ekzekutiv i AAC-së, Paul Smith tha se rregullatori do të vazhdojë të monitorojë situatën për të siguruar përmirësimin e politikave të linjës ajrore:
Pasagjerët kanë të drejtë të presin që ankesat dhe pretendimet e tyre të zgjidhen shpejt dhe me efikasitet dhe të trajtohen në mënyrë të drejtë nga linjat ajrore në përputhje me rregulloret. Ne ia bëmë të qartë Wizz Air vitin e kaluar se mënyra se si po trajtonte pasagjerët ishte e papranueshme.
Por teksa Mbretëria e Bashkuar merr në konsideratë problematikat dhe denoncimet e shtetasve të saj, shqiptarë vijojnë të vuajnë dhe “keqtrajtohen” nga Wizz Air e cila vazhdon e pashqetësuar punën e saj.
