E ardhmja e Brojës, e konfirmon dhe gazetari italian: E do Uest Hemi, por kujdes nga sulmuesi i… PSG-së

E ardhmja e Armando Brojës vihet çdo ditë e më shumë në dyshim, me merkaton e janarit që është bërë tepër e nxehtë që në ditët e saj të para.

Sulmuesi i Kombëtares shqiptare nuk po kalon një moment te mirë te Çelsi dhe duke se janë vetë “Blutë” që janë të gatshëm që ta shesin.

Siç raporton gazetari i njohur italian, Rudi Xhaleti, e interesuar për Brojën është Uest Hemi. “Hammers” janë në kërkim të një sulmuesi dhe 22-vjeçari shqiptar prej kohësh ka qenë në radarët e tyre.

Gjithsesi, Xhaleti raporton se rival i Brojës është dhe sulmuesi i PSG-së, Hugo Ekitike, i cili duket si një pistë më e lehtë duke parë dhe që minutat i mungojnë prej kohësh te skuadra franceze.

PANORAMASPORT.AL