Përfshirja e Luiz Ejllit në politikë, duke ndërruar edhe partinë politike për të cilën bënte tifo vetëm pak muaj më parë ka sjellë reagime të shumta në publik.
Aktori Julian Deda, i cili prej vitesh është pjesë e Partisë Demakratikë në Shqipëri ka reaguar edhe më herët ku nuk e ka simpatizuar këtë lëvizje të këngëtartit. I ftuar Së fundmi në TA, Juli u pyet:
Si e latë Luiz Ejllin të ikë nga gjiri i partisë demokratike?
Julian Deda: Ne nuk mbajmë njeri me zor, e para. Ai e quajtur mirënjohje, unë e quaj ‘me dy standarte’. Nqs ti i je mirënjohës atij që të ka bërë një nder tani në fund, duhet t’i jesh mirënjohës të gjithë personave në jetën tënde që të kanë ndihmuar. Që të jesh i besueshëm duhet të thuash: I jam mirënjohës këtij, por i jam mirënjohës edhe disa personave të tjerë falë të cilëvë isha në pozicione shumë të larta në Paris.
Pra nëse ti je mirënjohës për një gjë shumë të vogël, por nuk jë mirënjohës për gjëra shumë më të mëdha se kjo atëherë unë mendoj se këtu kemi të bëjmë me dopio standart në mënyrën se si ti e percepton mirënjohjen.
/albeu.com/
