Plazhi i Shëngjinit pa hapësirë publike, qytetari: Është zaptuar! Ku është Bashkia?

Edhe në këtë sezon veror, brigjet shqiptare kanë mungesë të theksuar të plazheve publike. Kudo në plazhet e Shqipërisë do të përballesh me një pronar që deri dje nuk shfaqej, por papritur bëhet zotërues i një hapsire publike, me bekim edhe të kryetarëve të Bashkisë së vendeve përkatëse.

Së fundmi një qytetar ka denoncuar zaptimin e hapësirave publike në Shëngjin, pasi janë zënë krejtësisht nga bizneset private. Qytetari kërkon që pushteti vendor të japë një zgjidhje pasi shumë prej pushuesve nuk kanë mundësi financiare që të paguajne shazllone.