Shqipëria s’ndalet! Fiton ndaj Ishujve Faroe dhe merr vendin e dytë

Shqipëria ka fituar me një rezultat bindës ndeshjen e sotme kundër Ishujve Faroe.

Për kuqezinjtë shënoi Bajrami i pari në minutën e 20-të, Kristjan Asllani një super gol në minutën e 51-të dhe Muçaj pas mbarimit të kohës zyrtare, në minutën e 91.

Kjo është fitorja e dytë për djemtë e Kombëtares pas fitores 2-0 ndaj Moldavisë, të shtunën në Tiranë.

Këto tre gola e rendisin Shqipërinë në vendin e dytë të grupit E, pasi vendin e parë e mban Çekia, ndërsa Moldavia në vendin e tretë dhe Polonia në vendin e katërt.