Të ftuar në emisionin “Pardon My French” kanë qenë Ronaldo Sharka dhe partnerja e tij e kërcimit në spektaklin “Dancing With The Stars”, Frenki Ziaj. Të dy ata kanë zbuluar më shumë detaje rreth show të kërcimit dhe jo vetëm pasi së fundmi kanë ndodhur debate televizive edhe virtuale ku janë përfshirë Ronaldo Sharka, Paloma dhe Erjola Doçi.
Gjithçka ka nisur të dielën pasi gazetarja e njohur, Paloma dhe moderatorja, Erjola Doçi, ishin të ftuara në emisionin “Dancing With The Stars Fan Club”, ku patën një debat me njëra-tjetrën. E ‘molla e sherrit’ ishte Ronaldo Sharka. Teksa po diskutonin në lidhje me Ronaldon që kritikon të gjithë, Paloma u shpreh se “Sharka duhet të merret më mirë me moderimin, se në fushën e kërcimit nuk merr vesh”. Nga ana tjetër, Erjola, e cila është edhe mikesha e Ronaldos, i doli në mbrojtje këtij të fundit. Rreth këtij debati edhe vetë Ronaldo Sharka ka reaguar në InstaStory.
Për të sqaruar të gjithë këtë, përveç Ronaldo Sharkës emisionit i është bashkuar edhe Paloma nëpërmjet një lidhje telefonike. Elona Duro e pyeti Palomën se pse ka “vluar” kaq shumë rrjeti pas deklaratës së saj në lidhje me Ronaldon?
Paloma: Mund ta dëgjoj njëherë fillimisht nga Ronaldo pastaj do të vazhdoj të flas unë. Jam fansja e Ronaldos dhe kam shumë qejf ta dëgjoj.
Ronaldo: Si fanse duhet të ishte sot në studio zemër.
Paloma: Më shpjego pak ku e kishe ti gjithë atë vrer për mua pas një oponence të vogël që unë bëra me Erjolën në lidhje me kërcimin tënd në DWTS?
Ronaldo: Okej, e para njëherë që kur të pashë në ato momente në Fan Club më dhe një lloj ndjesie një lloj ‘vibe’ të Gerta Gixhari në kohën e BBV që nuk linte emision pa dalë gjithësesi uroj të mos jesh ky rasti. Së dyti unë prisja të kishe ardhur sot në studio meqë qenke dhe fanse e imja sepse kështu nga telefoni mund të të kisha marrë vetë. E treta, Paloma unë e di shumë mirë që ti ke mllef brenda vetes, ke një lloj inati sepse kjo u duk edhe nga aparenca, nga mënyra se si ti u shprehe dhe gjatë gjithë kohës nuk lije Erjolën të fliste të paktën një fjalë të mirë për mua.
Ti Palomë e dashur nuk mund të thuash që ky Ronaldo është mirë të bëjë atë emisionin “Mos i bjer me top” sepse nuk është për kërcim. E para Paloma ti nuk je balerinë profesioniste dhe nuk e njeh kërcimin, thjesht ke parë dhe ke dëgjuar disa komente lart e poshtë në dy performancat e mija të para. E dyta, kjo gjëja që ti bëre është fiks sistemi i shpifur arsimor që ne kemi hequr mbi kurriz gjatë gjithë viteve që nxënësit e keq rrijnë atje në fund, nxënësit e keq qortohen, nxënësve të keq i shkulen ato flokët para shkollës dhe ti Paloma nuk mund të dalësh dhe të flasësh me kaq mllef dhe ti bësh qoka Ilir Shaqirit apo Fifit sepse ty nuk ta mban t’i kthehesh Fifit sepse kështu je ti Paloma, ti vazhdon lajkat e BBV.
Jonida: Një ndërhyrje e vogël, Paloma ka edhe televizor në shtëpi dhe e sheh performancën.
Ronaldo: Fjala bie, unë nuk u irritova me Albi Nakon që tha duhet të largohet Ronaldo. Por mënyra aq e shëmtuar dhe aq e mllefosur.
Paloma: Atëherë Ronaldo i dashur, ajo që më bëri mua përshtypje sepse ti je një djalë i vogël, i ri.
Ronaldo: Po në qoftë se unë jam i vogël ti je e plakur atëherë. Lëri këto termat.
Paloma: Sa vjeç je Ronaldo? Të dëgjova dhe më lër të flas.
Ronaldo: Unë jam një djalë i rritur mjaftueshëm, maxhoren, 25 vjeç që punoj dhe jetoj. Ironitë me mua lëri.
Paloma: Mënyra se si ti e ke ndërtuar veten tënde dhe po e ndërton shumë shpejt do ezaurohesh. Këtë ta kesh këshillë nga unë. Ronaldo e ka nisur këtë karrierë mbrapsht dhe këshilla fillimisht e imja e para është që mos të krijojë kaq shumë armiqësi tek njerëzit sepse duke i krijuar këto karriera është shumë e shkurtër dhe bëhesh shumë antipatik. Ajo për të cilën ti lufton është vëmendja, janë fansat është rrethi dhe target-i që ti do të të ndjeki.
