VIDEO/ Gol i pabesueshëm nga Jasir Asani! “Çmendet” gjithmonë para se të luajë te Shqipëria, shikoni se çfarë realizoi nga goditja e dënimit

Jasir Asanit po i ndodh një fenomen “i çuditshëm” në Korenë e Jugut. Sa herë që vjen te Shqipëria, Asani shkëlqen duke realizuar super gola. Pasi rikthehet në Korenë e Jugut, te ekipi i Gwangju kur mbarojnë ndeshjet e Kombëtares, Asani bie në qetësi.

Video e golit te Asanit

Tani jemi para ndeshjeve të Kombëtares dhe për këtë arsye Jasiri duhet të dalë nga vetja. Një gol të çmendur nga goditja e dënimit ka realizuar futbollisti shqiptar në ndeshjen e sotme mes Incheon dhe Gwangju.

I aktivizuar nga stoli në minutën e 58, në të 79 Jasir Asani do të realizonte kryeveprën që ngushtoi diferencën kur rezultati ishte 2-0 për Incheon. Në minutën e fundit ekipi i shqiptarit do të barazonte me Kun-hee Lee. /Sport Ekspres/