Autoritetet në Kos të Greqisë po vijojnë hetimet për vrasjen në rrethana misterioze të 27-vjeçares Anastasia Rubinska, kryeministri i Polonisë ka thënë se do t’i kërkojë Greqisë ekstradimin e të dyshuarit për vrasjen e së resë.
“Jam i tronditur nga vrasja mizore e 27-vjeçares Anastasia. Autori duhet të përballet me pasoja shumë të rënda. Prandaj do t’i kërkojmë Greqisë të dorëzojë të dyshuarin për t’u gjykuar në një gjykatë polake dhe për t’i dhënë dënimin maksimal të mundshëm”, shkroi Mateusz Morawiecki në Twitter.
Ndërkohë mediet në Greqi kanë publikuar foton e një të riu nga Bangladeshi që po mbahet në paraburgim dhe po merret në pyetje, si i dyshuari kryesor për vrasjen e Anastasias në Kos.
Sipas Policisë ky është personi që e parë për herë të fundit vajzën nga Polonia dhe që në momentin e parë u konsiderua i dyshimtë, pasi ka dhënë dëshmi kontradiktore gjatë marrjes në pyetje.
Trupi i pajetë i 27-vjeçares u gjet i pajetë në një thes dhe i mbuluar me degë,vetëm një kilometër larg shtëpisë së 32 vjeçarit i cili është arrestuar si i dyshuari kryesor pwr krimin e kryer.
