Ndeshja mes Rumanisë dhe Kosovës e vlefshme për raundin e 5-të të Nations League u anulua mbrëmjen e djeshme. Kjo ndodhi për shkak të thirrjeve raciste, anti-shqiptare të tifozëve rumunë.
🇷🇴🇷🇸 Kosovo players start chimping out and leave the field before the match ends as Romanian fans start chanting "Serbia, Serbia, Serbia!" pic.twitter.com/2gvH53y8qA
— Daily Romania (@daily_romania) November 15, 2024
“Serbi Serbi” dhe “Kosova është Serbi” ishin thirrjet që bënë kapitenin dardan, Amir Rrahmanin që të dërgonte ekipin në fushë duke mos u rikthyer për të rinisur ndeshjen.
Pikërisht pas kësaj ndeshje ka folur vetë mbrojtësi i Kosovës. Rrahmani ia u bën të qartë të gjithëve duke thënë se Kosova është Shqipëri dhe duke ua ‘përplasur’ të vërtetën në ‘fytyrë’.
“Ka pasur thirrje të vazhdueshme ‘Serbia, Kosova’. Kjo ndodhi për 90 minuta. Në minutat shtesë, nisën thirrjet me fjalë të tjera që s’dua t’i përsëris sepse është turp. I thash për herë të parë gjyqtarit që t’i dëgjojë. Ai s’bëri asgjë.
Herën e dytë s’deshi të dëgjojë. Pas herës së tretë i thash që do të dalim sepse kjo është shumë e gabuar. Ata kanë qenë në dijeni sepse Federata jonë ua ka bërë të qartë që të provojnë të shmangin këtë.
Fansat nisën edhe më shumë pas kësaj me thirrjet ‘Kosova, Serbia’. Prandaj vendosëm të mos dalim më siç ndodhi vitin e shkuar”. UEFA duhet të vendosë sepse jemi futbollistë, jemi për të përfaqësuar këtu popullin tonë, shtetin tonë që ka të kaluar të rëndë.
Një luftë e madhe ka marrë jetën e njerëzve, ka pasur masakra. Kjo është e tepërt. Ndaluni”. Të gjithë duhet ta dinë se Kosova është Kosovë ose Kosova është Shqipëri. Kaq. Këtu mbaron”, është shprehur kapiteni i Kosovës, Amir Rrahmani.
