Ai ishte në një festë ditëlindjeje kur vendosi të largohej për një xhiro me motoçikletë, që për fat të keq rezultoi fatale.
Alen Karaboja, 17-vjeçari me origjinë shqiptare, lindur dhe rritur në Itali, humbi jetën në një aksident rrugor tragjik që ndodhi rreth orës 23:00 në 1 qershor, në Bienno, në zonën e Brescias ku ai jetonte me familjen e tij.
I riu shqiptar humbi kontrollin e mjetit, duke u përplasur me një mur në anë të rrugës.
Pas tij ishte shoku 15-vjeçar, i cili u shtrua në spitalin Papa Giovanni XXIII në Bergamo, por fatmirësisht nuk duket se është në gjendje të rëndë.
“Do të të dua gjithmonë vëllai im i vogël, ti je gjysma ime tjetër dhe gjithmonë ma ke mbushur zemrën me gëzim” – shkruante në Instagram vëllai i tij i madh Enio, 23 vjeç, i njohur në Bienno për punën e tij si elektricist
“Çdo ditë unë do të shikoj qiellin dhe do të të përshëndes si gjithmonë. Do më mungosh shumë vogëlushi im, më shiko dhe më mbro nga lart”. – shton ai
