“Bëra disa gabime, por Zoti më deshi në fund”! Klaus Gjasula: Në fund mund të kishim fituar 3-2, vetëm pak qetësi duhej

Shqipëria ka barazuar me shifrat 2-2 ndaj Kroacisë në një ndeshje dramatike falë golave të Lacit dhe Gjasulës, më poshtë gjeni intervisat e protagonistëve në “Klan”:

Gjasula: “Deshi Zoti që ma dha shansin për të shënuar golin, bëra disa situata jo mirë, ose aspak fare mirë. 60 minutat e para ishin fantastike për ne, ishim ekipi më i mirë në fushë. Më pas loja na iku nga duart dhe nëse do të ishim pak më qetë, do të fitonim 3-2”.

Qazim Laci: “Sot e meritonim të paktën një pikë, luftuam shumë për këtë pikë. Ky është goli më i rëndësishëm në karrierë, me këtë pikë do të kemi më shumë besim për ndeshjen me Spanjën. Pse jo, të tentojmë vendin e dytë ose të tretë”.