Dhërmi/ Vritet recepsionisti i një hoteli

Date:

- Advertisement -

Një ngjarje e rëndë është regjistruar së fundmi në Dhërmi në ambientet e një hoteli. Recepsionisti i një hoteli është vrarë nga një 43-vjeçar nga Tepelena me banim në Angli.

Ky i fundit pas ngjarjes kriminale është larguar drejt Greqisë. Ndërkohë, policia deklaron se ende nuk e kanë gjetur trupin e vrarë të recepsionistit, i cili ishte deklaruar i humbur nga familjarët.

Informacion paraprak:

Më datë 06.06.2024, Policia ka marrë njoftim se në Dhërmi, Himarë, shtetasi E. N., 31 vjeç, banues në Tiranë, punonjës në recepsionin e një hoteli në Dhërmi, Himarë, kishte humbur kontaktet me pronarët e hotelit.

Me marrjen e njoftimit, Drejtoria Vendore e Policisë Vlorë dhe Komisariati i Policisë Himarë kanë ngritur një grup hetimor, në drejtimin e Prokurorisë së Juridiksionit të Përgjithshëm Vlorë.

Shërbimet e Policisë dhe grupi hetimor kanë shkuar në hotel dhe kanë kryer një sërë veprimesh hetimore. Nga veprimet hetimore dyshohet se shtetasi E. N. është qëlluar me armë zjarri, rreth orës 00:30, nga shtetasi G. Sh., 43 vjeç, lindur në Tepelenë dhe banues në Angli.

Nga veprimet e tjera hetimore rezulton se pas ngjarjes shtetasi G. Sh. është larguar drejt Greqisë.

Janë administruar në cilësinë e provës materiale, prova ligjore, si dhe janë shoqëruar deri në këto momente, për t’u pyetur në lidhje me këtë ngjarje, 29 shtetas.

Nga tërësia e veprimeve të deritanishme dyshohet se kemi të bëjmë me një ngjarje të rëndë kriminale.

Grupi hetimor, në drejtimin e Prokurorisë, vijon punën intensivisht për gjetjen e shtetasit E. N., si dhe për zbardhjen e rrethanave dhe dokumentimin e plotë ligjor të rastit.

Në vijim, do të ketë njoftime të tjera për veprimet e kryera nga grupi hetimor.

- Advertisement -

Share post:

Më të lexuarat

Me shume
Related

Ish-kryeministri shqiptar i Malit të Zi: “Do të jem në stadium dhe do të bëj tifo për Serbinë”

Ish-kryeministri shqiptar i Malit të Zi, Dritan Abazoviç, mbrëmjen...

Hyrja e tifozit në fushë i kushton shtrenjtë Shqipërisë, UEFA nis procedim kundër kuqezinjve

UEFA ka nisur procedim disiplinor kundër Shqipërisë, më saktësisht...

Notat e Shqipërisë/ Hysaj shpëtoi kokën para golit, Asllani dukej si lojtar i Italisë, Broja i vetëm në shtëpi

Strakosha (6.5): “Të gjithë u befasuan kur panë Strakoshën...