Një i ri shqiptar që është kapur duke punuar në një shtëpi bari në Angli ndihet i lumtur që është arrestuar.
Erald Abmetaj u arrestua më 12 dhjetor 2022, gjatë kontrollit të një banese në Howard Street, Rochdale. 22-vjeçari shqiptar ishte i vetmi person në shtëpinë e mbushur me gjithsej 481 bimë kanabisi të rritur.
Policia zbuloi se shtëpia ishte kthyer në një fermë kanabisi me dhoma të ndryshme që përmbanin disa pajisje kultivimi. Shqiptari tha se po punonte në kultivimin e kanabisit në këmbim të ‘ushqimit dhe një vendi për të qëndruar’.
Abmetaj, i cili e cilësoi punën si ‘të mjerueshme’ mbërriti në Britaninë e Madhe vitin e kaluar. Atij iu ofrua puna si ‘kopshtar kanabisi’ pasi nuk kishte ku të qendronte dhe detyra e tij ishte të ujitte dhe ushqente bimët e kanabisit.
Shqiptari pranoi në gjykatë se për të nuk ka ‘vend më të mirë’ sesa në burg pasi aty gëzon edhe statusin e ‘privilegjuar’ si përkthyes. Ai tha se është i gatshëm për t’u kthyer në Shqipëri e për të punuar në marketin e babait të tij.
Duke marrë parasysh këto deklarata dhe rolin e tij në kultivimin e kanabisit, i riu shqiptar u dënua me 16 muaj burg.
