16-vjeçari shkodran humb jetën në Belgjikë, kërkohet ndihmë për familjen e tij

Një 16-vjeçar shqiptar ka humbur tragjikisht jetën në Belgjikë.

Arsid Muça humbi jetën pasi banesa ku jetonte u përfshi nga flakët dhe duke qenë në gjumë ai nuk pati mundësi të shpëtonte.

I riu nga Shkodra kishte shkuar në Belgjikë dy muaj më parë për të ndihmuar familjen pasi ata po përballeshin me probleme të shumta ekonomike.

Por dëshira e tij për të ndihmuar familjen dhe për të qenë pranë tyre financiarisht u kthye në tragjedi.

Për të ndihmuar familjen e tij dhe për të plotësuar dëshirën që ai kishte, miqtë e tij kanë hapur një llogari në GoFundMe.