Ballkani dorëzohet në minutën e 89, skuadra e Ilir Dajës rrezikon kualifikimin për në “play off”

Ballkani është mposhtur me rezultatin 0-1 nga Larne. Rezultat surprizë ky në turin e tretë të Conference League. Ilir Daja dhe të tijët janë befasuar nga irlandezët, pasi me Donnelly gjetën golin e vetëm të takimit në minutën e 89.

Dhe pse kjo ishte paraqitje zhgënjyese në stadiumin “Fadil Vokrri”, klubi nga Theranda ruan shpresat e kualifikimit për ndeshjen e kthimit. Ballkani konsiderohet favorit, ndërsa pati një dominim gjatë ndeshjes kundër Larnes.

Ballkani po kërkon kualifikimin për herë të tretë radhazi në Conference League. Kujtojmë se po kaq herë është shpallur kampion radhazi klubi i Suharekës.