Një 36-vjeçar shqiptar është arrestuar nga policia italiane në Ravena, pasi akuzohet se ka përndjekur një grua 46-vjeçare.
Arsyeja nuk ishte as xhelozia, as ndonjë fiksim, por sepse mendonte se nuk merrte dot leje qëndrimi në Itali për shkak të gruas.
Një rast përndjekjeje, por pa asnjë lidhje romantike apo fërkime në bashkëpronësi (martesë apo fejesë),” shkruan media italiane.
Se si ndodhi e gjitha e shpjegon avokati i shqiptarit, Luigi Filippo Gualtieri. Sipas tij, shqiptari ishte shqetësuar se nuk i kishin dhënë lejen e qëndrimit.
Kështu që në qershor ai filloi të ngacmonte dhe ta përndjekte gruan, në një episod ishte bërë edhe i frikshëm duke i lyer murin e shtëpisë me bojë të kuqe.
Herë të tjera e 46-vjeçaren nëpër rrugët e Solarolos dhe të linte shënime në xhamin e përparmë të makinës së saj. Ndonjëherë i shkonte tek shtëpia dhe i binte ziles.
Ditën e arrestimit, italiania kishte dalë si zakonisht. Rreth orës 12.30, ajo vuri re që shqiptari po e ndiqte dhe për t’ju shmangur u ul në një lokal.
Të njëjtin veprim bëri agresori, i cili sipas dëshmisë së të dëmtuarës, i hodhi një gotë dhe një shishe, në tentativë për ta goditur, por për fat pa e lënduar.
Por nuk mbaroi këtu. Teksa ajo doli të kthehej në banesë, ai iu drejtua me fjalët akuzuese nga pas: Më shkatërrove jetën! Ndryshove rrugë!.
Një herë akuzohet se kërcënoi edhe familjen e 46-vjeçares, i dëmtoi biçikletën e babait të saj dhe kabinën e telefonit me fibra. Gjithashtu theu disa vazo qeramike në oborr, duke i hedhur në tokë.
Më pas, ka tentuar të godasë me disa sende prindërit e 46-vjeçares, derisa nisi të lante muret me dorë të përgjakur dhe u arrestua.
Për të gjitha këto veprime që nuk kanë një shkak, shqiptari do i nënshtrohet një ekspertize psikologjike për të zbuluar nëse ka probleme të shëndetit mendor.
