“Kujt i shërben show?”, Milo për arrestimin e Metës: Ka një element politik! Kërkohet intimidimi i elektoratit

Petraq Milo i ftuar në rubrikën “Opinion” në Neës24, ka komentuar arrestimin e ish- presidentit Ilir Meta.

Ai u shpreh se arrestimi i kreut të PL kishte elementë politikë, ndërsa shtoi se duhet një procedurë e veçantë arrestimi për ndalimin e personaliteteve të larta pavarësisht akuzave.

“Nuk mund të mos ndjehem i keqardhur dhe fyer nga mënyra se si u arrestua.
Do të thoja se mënyra represive e një trajtimi të tillë ka një element politik sepse pjesa e komandimit, ka një varësi direkt institucionale nga kryeministri.

Mund të jepet një lloj këshillimi, duhet të ketë një plotësim të standardeve për ndalimin e personaliteteve të larta pavarësisht akuzave. Kujt i shërben show?

Show me mesazhin që të intimidohet elektorati ”, u shpreh ai.