- Advertisement -
Një atentat i rëndë tronditi sot lagjen Dobraç në Shkodër, ku u vra Hamza Lici dhe u plagos rëndë Arlind Bushati, djali i ish-kandidatit të PD-së për Bashkinë Shkodër, Xhemal Bushati.
Arlindi, që ndodhej në makinë me Licin, ka marrë një plumb në kokë dhe është në gjendje kritike. Nga kjo ngjarje mbeti viktimë edhe një grua, Flutura Basha, e cila udhëtonte me motor me të shoqin, Bashkim Bashën, i cili mbeti i plagosur. Ata u goditën aksidentalisht nga makina e Licit që humbi kontrollin pas të shtënave.
Dyshohet se atentatorët e ndoqën Licin dhe Bushatin me një Mercedes-Benz me targa kroate dhe hapën zjarr sapo iu afruan. Pasi u qëlluan, makina e tyre doli nga rruga dhe u përplas me çiftin e pafajshëm. Më pas, mjeti u përplas me një mur.
- Advertisement -
