Deputeti i Vetëvendosjes në Kosovë, Adnan Rrustemi ka reaguar për anulimin e mbledhjes së qeverive duke thënë se Shqipëria nuk duhet të luajë rolin e neutralit ndërmjet Kosovës dhe Serbisë.
Ai është shprehur se tani ka ardhur koha që Shqipëria ti vijë në ndihmë Kosovës duke theksuar se e ka detyrë historike.Në një deklaratë për mediet kosovare, deputeti i është drejtuar edhe kryeministrit Edi Rama, duke thënë se e ka sjelljen si ndërkombëtar dhe i njëanshëm.
Ai ka shtuar se Shqipëria duhet t’a mbështesë Kosovën dhe nuk mund të bëjë rolin e arbitrit.
“Qeveria e Shqipërisë nuk e ka rolin që ta luajë ndërmjetësuesin ndërmjet Kosovës dhe Serbisë, nuk mund ta luajë rolin e neutralit. Këtu kërkohet ndihma e Shqipërisë, sidomos e ShqipërisëEdi Rama e ka sjelljen si ndërkombëtar, si fasilitues.
Shqipëria e ka për detyrë historike me qenë në krah të Kosovës, në ditë të vështira dhe të mira, për t’i vënë në dispozicion resurset që i ka
Shteti shqiptar dhe kryeministri i Shqipërisë duhet të jetë në mbështetje të Kosovës. Shqipëria është shteti amë dhe duhet ta mbështesë Kosovën, nuk mund të jetë arbitër” deklaroi Adnan Rrustemi.
