Në ditën botërore dedikuar ndërgjegjësimit dhe parandalimit të abuzimit me të moshuarit, një 69-vjeçar në qytetin e Fierit u dhunua nda një i ri pa shkak. I moshuari me iniciale O. T., ishte duke qendruar në stolin e një parku kur u sulmua nga një 29-vjeçar. Rasti i dhunës u publikua nga JOQ Albania, me dëshmi të qytetarëve dhe pamje të dhunës.
VIDEO e publikuar nga rasti ne fjale
Ka qenë vetë i moshuari që ka shkuar për të bërë edhe denoncim në komisariat, i friksuar për jetën dhe i traumatizuar nga dhuna që u përfshi. I moshuari ishte banues në Tiranë dhe nuk e njihte dhunuesin, i cili rezulton të jetë me probleme mendore sipas Policisë së Fierit.
“Në lidhje me një video të publikuar në rrjetet sociale, në të cilën shfaqet një shtetas duke dhunuar një të moshuar, sqarojmë se: Ditën e sotme, është paraqitur për të bërë kallëzim shtetasi O. T., 69 vjeç, banues në Tiranë, i cili ka deklaruar se e kishte goditur me grushte, një shtetas që nuk e njihte. Menjëherë pas kallëzimit, shërbimet e Policisë kanë bërë të mundur identifikimin dhe shoqërimin e këtij shtetasi, në Komisariat. Në përfundim të veprimeve të para procedurale, specialistët për Hetimin e Krimeve të Komisariatit të Policisë Fier referuan materialet në Prokurori dhe nisi procedimi penal për shtetasin E. H., 29 vjeç, banues në Behaj, Mallakastër, i cili dyshohet se vuan nga probleme të shëndetit mendor.” – njofton policia./JOQ
