Personat në foto janë Luiza Mullalli, 46 vjeçe dhe Gjergji Mullalli 55 vjeç. Dyshja ishin burrë e grua, por në proces divorci. Mbrëmë, Gjergji vrau në fshatin Zemblak të Maliqit, Luizën. 46 vjeçarja Luiza Mullalli jetonte në banesë se bashku me fëmijët e saj ndërkohë që bashkëshorti nga dita e marrjes së urdhrit të mbrojtjes jetonte në banesë tjetër dhe mbrëmë ka gjetur rastin për të vrarë Luizën.
Gjergji ka kryer krimin e rëndë dhe më pas e ka hedhur trupin e viktimës në një gropë septike, pas shtëpisë. Që nga muaji nëntor viktima kishte urdhër mbrojtje nga gjykata e Korçës. Arsyet e krimit të rëndë, po sipas nënës së 46-vjeçares ishin konfliktet mes çiftit, teksa i ati i viktimës tha se viktima ishte njeri i alkoolit, ndërsa shtoi se policia e kishte thirrur disa herë 47-vjeçarin, por nuk e kishte proceduar apo ndaluar.
Prindërit e Luizës u shprehën se Gjergji e dhunonte gruan e tij, madje një herë ka tentuar dhe ta mbysë. Lidhur me ngjarjen, pritet dhe ekspertiza mjekoligjore për te verifikuar shenjat në trupin e viktimës. Ngjarja e rëndë ka ndodhur mbrëmjen e djeshme, teksa çifti ka lënë pas 3 fëmijë të cilët ndodhen në kushte të rënda psikologjike. Mësohet se ka qenë djali i viktimës i cili ka njoftuar në polici, pasi nuk e ka gjetur nënën e tij në shtëpi.
