Një 22-vjeçar nga Shqipëria i cili punonte në një nga hotelet e djegura në Rodos ka rënë pre e një mashtrimi. Sipas mediave greke, disa persona e kanë marrë në telefon dhe i janë prezantuar kontabilist i hotelit ku ai punonte para se të digjej.
Personat në fjalë i kanë kërkuar shqiptarit një ndihmë urgjente prej 250 eurosh. I riu me besim të plotë dhe pa asnjë dyshim, ka bërë atë që i kërkoi personi që e telefonoi dhe u hoq si kontabilist. Ky i fundit i ka kërkuar përsëri t’i transferonte shumën prej 540 eurosh, në mënyrë që t’ia kthente së bashku me kompensimin, atëherë ai ka thënë se paratë i ka depozituar dhe nuk ka marrë asgjë në këmbim.
Më pas, kur pa që ra pre e mashtrimit dhe që humbi punën dhe kursimet, i riu denoncoi mashtrimin te autoritetet, të cilët po hetojnë për identifikimin e autorit.
