Një 30-vjeçar gjerman që vrau të dashurin shqiptar të ish-partneres së tij në rrugë në Freiburg-Betzenhausen është dënuar me burgim të përjetshëm.
Ngjarja e rëndë ndodhi në janar në rrugën përballë banesës së gruas në Freiburg. Viktima, një 31-vjeçar shqiptar nga Kosova, ka ndërruar jetë menjëherë në spital.
30-vjeçari gjerman ka shkuar me makinë në banesën e ish-partneres së tij dhe partnerit të saj të ri. Ai donte të shihte vajzën e tyre tetëvjeçare. Por vajza nuk donte ta takonte dhe shqiptari shkoi ta largonte 30-vjeçarin.
Por papritur ai nxori një pistoletë nga xhaketa e tij dhe e qëlloi burrin në kraharor në një distancë të afërt.
Shqiptari dhe partnerja e tij kanë së bashku një djalë, i cili ditën e krimit festoi ditëlindjen dhe mbushi një vjeç.
