Eldi Allushi është rrëfyer për gjithçka në polici në lidhje me aksidentin tek diga e Liqenit Artificial në Tiranë.
Ai ka thënë para policisë, se Emiliano Nina, kushëriri i Ervis Martinajt, ia kishte kërkuar disa herë makinën, pasi ai dilte me një shoqe dhe atë ditë prandaj ia kishte kërkuar.
Pasagjer në makinë, ishte Jurgen Allushi, kushëriri i Eldi Allushit.
Dëshmitë e tyre janë si më poshtë:
Eldi Allushi: Si tregova policisë se s’doja ti bëja keq Emilianos. Ai ma kërkoi makinën dy herë për të marre një shoqe dhe unë ja dhashë. Emiliano pasi erdhi nga aksidenti fjeti gjumë, mua s’më tregoi. Më mori në telefon një oficer policie dhe i thashë qe do paraqitem vetë në polici. Për 5 ore nuk u paraqita në polici pasi kisha frikë, automjetin ma bëri dhuratë xhaxhai im disa kohë më parë.
Jurgen Allushi: Unë kisha pire një bidon ujë dhe Emiljano 3 birra kur ndodhi aksidenti.
