Zaptimi i plazheve publike nga pronarë që mbijnë papritur, është një problematikë që çdo sezon vere denoncohet nga qytetarët që zgjedhin brigjet e Shqipërisë për të shijuar disa ditë pushimi.
Edhe këtë vit, denoncimet për privatizimin e hapësirave të plazheve publike, nga individë me lidhje të ngushta me pushtetin, nuk kanë munguar në redaksinë e JOQ Albania.
Së fundmi, një qytetar ka komentuar aksionin e policisë së shtetit lidhur me pastrimin e plazheve publike nga çadrat private.
Qytetari për JOQ, shkruan se këto aksione janë fasadë, pasi realiteti është ndryshe. Qytetari ka shkuar të pushojë në plazhin e Gjipes dhe sipas tij, nuk ka gjetur asnjë çadër pa lekë, por është përballur me një shezlong 20 euro.
Qytetari:
Pershendetje! Ne mos gaboj para disa ditesh sikur pash shtetin qe hiqte zhazllonet privat nga plazhi i gjipes dhe e kthente komplet publik? Isha sot dhe 1 shezllon kushtonte 20 € Kot per muhabet jo per gje, kjo eshte thirrje per shtetin, ngelen fasad ter kohes jan bere bajat. Respekte! JOQ.
