“Jua them në mënyrë të sinqertë“, babai i Valon Behramit: Asnjë lojtar që i ofrohet Zvicra nuk vjen të luaj për Kosovën

Zgjedhja e ekipit përfaqësues nga lojtarët shqiptarë ka hapur dhe vazhdon të hapë polemika. Të shumtë janë ata që kanë refuzuar Shqipërinë dhe Kosovën për të veshur fanellën e Kombëtareve më të mëdha europane.

Sa i përket kësaj çështjeje, babai i Valon Behrami, i cili ishte i ftuar në emisionin “Politiko” me Kushtrim Sadikun, që transmetohet në “Kanal 10“, ka deklaruar se asnjë lojtar shqiptar që luan në Zvicër nuk vjen të luajë në Kosovë.

“Asnjë lojtar që luan në Zvicër dhe i ofrohet Zvicra, ta dish që nuk vjen për të luajtur në Kosovë. Këtë ta them në mënyrë të sinqertë“, ka thënë Ragip Behrami./Halit Delibashi-Sport Ekspres/